• 13 Декабрь 2024 ж.
• 15:02
• Нарын ш.
• Нарын облустук китепкана
• aman040997

"Кылымдарды жарык кылган жылдыздар: Айтматов жана Осмонов" аталыштагы "Окурман автобуста" акциясы

Улуттук адабияттын үлгүлөрүн жайылтуу, улуу жазуучу Чыңгыз Айтматов менен акын Алыкул Осмоновдун чыгармачылыгын эскерүү жана эл арасында китеп окууга болгон кызыгууну ойготуу максатында Нарын облустук С. Орозбаков  атындагы китепканын кызматкерлери тарабынан  12-декабрь – Улуттук адабият күнүнө карата "Кылымдарды жарык кылган жылдыздар: Айтматов жана Осмонов" аталыштагы "Окурман автобуста" акциясы болуп өттү.

Акцияга  катышкан  Нарын облустук М. Рыскулов атындагы музыкалык академиялык театрынын жана Нарын шаардык маданият бөлүмүнүн кызматкерлери  улуттук чыгармачылыктын негизинде обондуу ырларды аткарышты, бул болсо жургүнчүлөргө жагымдуу маанай тартуулады. Китепканын кызматкерлери Ч.Айтматовдун чыгармаларынан  үзүндүлөрдү жана А. Осмоновдун  ырларын көркөм окуп беришти. Айтматов жана Осмоновдун чыгармаларынан даярдалган суроо жоопторго активдүү катышкан о.э ырларынан көркөм окушкан жүргүнчүлөргө  китепкана тарабынан китеп белекке берилди .

Иш-чара ийгиликтүү өттү, коомчулук арасында чоң кызыгуу жаратты.  Китеп берүү иш-чаранын өзгөчө бөлүгү болуп, катышуучулар арасында жылуу кабыл алынды. Иш-чара шаардын тургундарынын маданий аң-сезимин көтөрүүгө жана адабиятка болгон кызыгуусун ойготууга багытталган. Жургүнчүлөр иш-чараны кубаныч жана ыраазычылык менен кабыл алышты. "Окурман автобуста" акциясы адабий баалуулуктарды элге жеткирүүнүн инновациялык жана кызыктуу ыкмасы катары бааланды  жана маданиятты жайылтуу, китеп окууну демилгелөө боюнча маанилүү кадам болду. Ошондой эле шаардык транспортто мындай маданий акциялардын үзгүлтүксүз өтүп турушу коомдук аң-сезимдин өнүгүүсүнө чоң салым кошот.

Жаңылыкты жүктөгөн: - Болотбек уулу Аман

---

Маалымат менен бөлүшүңүз