Нарын педагогикалык колледжинин студенттери экскурсияда
2024-жылдын 11-декабрында Нарын облустук С.Орозбаков атындагы маалыматтык китепканасына К. Мамбетакунов атындагы Нарын педагогикалык колледжинин студенттери окутуучусу Абдракунова Мимозанын жетекчилиги астында экскурсияга келишти.
Бул иш-чаранын максаты - студенттердин маданий жана интеллектуалдык деңгээлин жогорулатуу, китепкана менен тааныштыруу жана китепке болгон кызыгуусун арттыруу.
Китепкана кызматкерлери студенттерди китепкананын тарыхы, иштөө тартиби жана ресурстары менен тааныштырып өтүштү. Китепканада сакталган баалуу адабияттар жана жергиликтүү авторлордун эмгектери көрсөтүлдү. Студенттер үчүн "Мен киммин?" аттуу интеллектуалдык оюн ойнотулду. Бул оюн студенттердин билим деңгээлин текшерүү жана алардын логикалык ой-жүгүртүүсүн өнүктүрүү максатында уюштурулду.
Катышуучулар активдүүлүгүн көрсөтүп, кызыктуу жана чыгармачыл жооптору менен өзгөчөлөнүштү. Жеңүүчүлөрө китепкана тарабынан китеп белекке берилди. Иш-чаранын алкагында жергиликтүү акындардын ырлары көркөм окулду.
Студенттер жана окутуучулар акындардын терең философиялык ой толгоолоруна жана кооз ыр саптарына суктанышты. Экскурсия студенттер үчүн пайдалуу жана кызыктуу болду.
Алар китепкана маданияты менен тереңирээк таанышып, интеллектуалдык жана чыгармачылык жөндөмдөрүн өркүндөтө алышты. Мындай иш-чаралар билим берүү процессин байытып, студенттердин жалпы маданиятын өнүктүрүүдө чоң салым кошот.
Жаңылыкты жүктөгөн: - Болотбек уулу Аман
Маалымат менен бөлүшүңүз
Комментарий калтыруу үчүн катталыңыз!
Популярдуу жаңылыктар
Окурмандар көп окуган жаңылыктар
8-март - Аялдардын эл аралык күнү куттуктоо
Жадыраган жазды коштой кирип келген 8-март - Аялдардын эл аралык күнү менен чын дилибизден куттуктабыз! Жашообузду көрк…
Кыргызстандагы Орозо Айт майрамы 2024-жыл
Орозо Айт - Кыргызстанда жыл сайын белгиленип келе жаткан майрамдардын бири. Быйыл 2024-жылы Орозо Айт майрамы 10-апре…
«Китеп акыл азыгы» аталышындагы китеп окуу сына…
Китеп окууну жайылтуу, үй бүлөдө китеп окуу менен, үй…
"Сен китепти ачсаң - китеп сени ачат” аталыштагы …
Нарын облустук С. Орозбаков атындагы китепканасы "Сен китепти ачсаң - китеп сени ачат” аталыштагы Ачык эшиктер күнүнө ч…
Нарын облустук китепканасынын балдар бөлүмүнүн ки…
Балдарды ар тараптан тарбиялоого багытталган шык жөндөм берүүчү көркөм чыгармалар , улуттук баалуулуктар,кыргыздын …
Мекен сакчылары, аскер ардагерлери жана мекендешт…
Мекенди коргоочулардын күнүн жалпы мамлекеттик масштабда белгилөө жаштарды күчтүү, эрктүү, кайраттуу, патриоттук сезимг…