• 2 Апрель 2025 ж.
• 19:19
• Нарын району
• Нарын райондук китепкана
• aman040997

2-Апрель “Эл аралык балдар адабиятынын күнүнө” карата “Балдар адабияты келечекке жарык жол” аттуу адабий музыкалык кече

Нарын районуна караштуу  Казан – Куйган  айылында  2-Апрель  “Эл аралык балдар адабиятынын күнүнө” карата “Балдар адабияты келечекке жарык жол” аттуу адабий музыкалык кече өттү.  Иш чараны ачуу үчүн Эсенаалы Дайракунов  атындагы  айыл аймагынын  айыл өкмөт башчысы Сыдыкбеков Талантбек  Акматалиевич сөз сүйлөдү. Андан соң  Айдараалы Бейшүкүров  “Көйрөң күү” Түгөл уулу Усупбек атындагы орто мектебинин “Келечек” балдар комузчулар ансамблинин  аткаруусунда коштолду. Видео-слайд көрсөтүлдү.

Ошондой эле балдар акыны Байтемир Асаналиевдин  85-жаш  юбилейине карата китеп көргөзмө чыгарылып баяндама берилди.Азыркы учурда эң көйгөйлүү маселелердин бири болуп жаткан “Телефондун зыяндуулугу жана китеп окуунун пайдасы”  деген темада 8 ”Б” классынын окуучулары менен бирдикте даярдалган сценка коюлду.”Тоолуктардын тоо бийи” Түгөл уулу Усупбек атындагы орто мектебинин 6 “А” классынын окуучусу Темирбекова Сумаянын аткаруусунда болду. “Китептин баалуулугу” “ Баатыр эне”- Шоорукова Какен атындагы бала- бакчанын кичинекей тарбиялануучуларынын  өнөрлөрүнө кубө болдук.Андан кийинки кезек “Кыргыз бийи” Тал чыбыктай ийилген 8”Б” классынын кыздары жогорку денгээлде аткарышты. “Найман эненин кошогу”аттуу сценканы   2”Б” классынын окуучулары жана Амантурова Бегимай аткарып беришти.Жыйынтыгында  Эсенгул Ибраев атындагы борбордук китепканасынын директору Ш.Алакунова,Нарын  райондук маданият бөлүмүнүн башкы адиси  Б.Өмүралиев   сөз сүйлөшүп   иш чарага катышкан мугалим эжелерге,тарбиячыларга, окуучуларга “Ыраазычылык кат” тапшырышты.

---

Маалымат менен бөлүшүңүз