• 2 Апрель 2025 ж.
• 19:53
• Нарын ш.
• Нарын облустук китепкана
• aman040997

“Андерсендин сыйкырдуу дүйнөсү”аталыштагы жумалык

    2- апрель Балдар китебинин эл аралык күнүнө карата 1- апрелден - 4 апрелге чейин Даниялык белгилүү жазуучу Г.Х Андерсендин туулган кунүнүн 220 жылдыгына арналган Нарын облустук, шаардык, райондук китепканалардын катышуусунда “Андерсендин сыйкырдуу дүйнөсү”аталыштагы жумалыктын ачылышы болуп өттү.

    Акылдын азыгы, руханий байлыктын булагы болгон китеп аркылуу балдарды жаңы дүйнөлөргө жетелеп, алардын ой жүгүртүүсүн тереңдетип, жашоого болгон көз карашын кеңейтүүгө багытталган бул иш чарага шаарыбыздагы орто мектептердин мугалимдери, китепкана кызматкерлери жана 5-6 класстардын окуучулары катышты.

   Кеченин жүрүшүндө №” В.П Чкалов атындагы орто мектебинин окуучуларынын аткаруусунда Улуу жомокчу Г.Х Андерсендин “Муз ханышасы” жомогунун каармандары менен китеп ханышасынын жолугуушуусун чагылдырган жомок менен башталып, жазуучунун балдарга арналган чыгармаларынан ”Андерсен- дүйнөлүк жомоктордун генийи” аттуу жайылтылган китеп көргөзмөгө баяндама берилип, ”Жомоктордун улуу чебери-Г.Х Андерсен” аталыштагы видео слайд көргөзүлүп, КАХУТ программасы аркылуу улуу жомокчунун өмүрү чыгармачылыгы боюнча интерактивдүү оюн ойнотулуп, иш чара шаңдуу ыр бийлер менен коштолду.

---

Маалымат менен бөлүшүңүз