• 2 Апрель 2025 ж.
• 19:27
• Ат-Башы р-у
• Ат-Башы райондук китепкана
• aman040997

"Ата-аска зоо, эне-мөлтүр булак, бала-экөөнө-шам чырак" аттуу китеп окуу сынагы

    Б.Кыдыкова атындагы Ат-Башы райондук моделдик -инновациялык китепканасы, "Калем-Лидерлер академиясы" менен биргеликте "Ата-аска зоо,эне-мөлтүр булак,бала-экөөнө-шам чырак" аттуу китеп окуу сынагы райондун аймагында жашаган ата-энелер менен биргеликте өткөрүлүп, жеңүүчүлөр аныкталып, бүгүн  2025-жылдын 2-апрель-Эл аралык балдар китебинин күнү сыйлоо аземи өткөрүлдү.

    Бул сынак - Ата-энелер арасында китеп окуу маданиятын өнүктүрүү, катышуучулардын адабиятка болгон  сүйүүсүн күчөтүү, балдарды тарбиялоодо керектүү билимдерге ээ болуусуна шарт түзүү,окурмандарды илим-билимге шыктандыруу жана муундар ортосундагы, ата-эне менен баланын ортосундагы байланышты бекемдөө максатында өткөрүлдү.

   Сынакка  Ат-Башы райондук мамлекеттик администрациясынын башчысы-аким Абдыкадыров Эмилбек Ысакулович катышып, окурмандарга жана келген конокторго  өзүнүн ыраазычылыгын билдирди.

Колдоо көрсөткөндөр: Кыргыз Улуттук "Манас" театрынын директору Нурбек Талантбеков, Ат-Башы айылдык кеңешинин депутаттары, Ат-Башы айыл аймактарынын өкмөт башчылары,жеке ишкерлер жана  ЖАК "Элдик банк" Ат-Башы филиалы. Жеңүүчү окурмандар: 1-орун. Турцияга 1жеңүүчү  Усупбаева Айдилде (Ат-Башы) 2-орун Ташкентке 2 жеңүүчү  Сезим Надырбаева (Баш-Кайыңды), Жокеева  Гүлзина (Ак-Муз) 3-орун Алматыга 3 жеңүүчү Сокеева Гүлзат (Ат-Башы),Мамбетов Ырысбек(Талды-Суу) Айжамал Дүйшөнбекова (Ача-Кайыңды) жана 20 окурман кызыктыруучу сыйлыктарга ээ болушту. Китеп-жаңы дүйнөлөргө ачылган эшик! Окууну эч качан токтотпоңуз !

---

Маалымат менен бөлүшүңүз