• 27 Март 2025 ж.
• 15:55
• Кочкор району
• Кочкор райондук китепкана
• aman040997

Элдик революция элдин эрки жана келечеги

Кочкор райондук И.Исаков атындагы маалыматтык китепкана тармагынын окуу залында 24-март жана 7- апрель Элдик революция күндөрүнө карата “Элдик революция элдин эрки жана келечеги” - аттуу темада тегерек стол маеги өтүлдү. Тегерек столго Н.Жүндүбаева атындагы жалпы билим берүү мектебинин окуучулары жана маданият бөлүмүнүн кызматкерлери катышты. Катышуучулар ой- пикирлери менен бөлүшүп, эл - жер деп курман болгон эр азаматтарыбыз эскерилди.

КРнын Маданият, маалымат жана жаштар саясаты министрлиги “Укук бузуулардын алдын алуунун негиздери жөнүндө” КРнын 2021- жылдын 5- майындагы №60 Мыйзамына ылайык Кочкор районунун ички иштер бөлүмү жана Кочкор райондук Н.Жүндүбаева атындагы жалпы билим берүү мектебинин окуучуларына “Зордук зомбулукту кантип токтотсо болот?”- деген темада лекция окулду.

Иш чаранын максаты жаштар арасында бангизат колдонуу, экстремизм, терроризм, жол коопсуздугу, үй -бүлөлүк жана балдарга карата зомбулук сыяктуу социалдык көйгөйлөрдү алдын алуу. Кочкор райондук ички иштер бөлүмүнүн жаштар менен иштөө инспекциясы милициянын майору Эстебесова Надира зордук-зомбулук боюнча түшүндүрүү иштерин жүргүздү жана китепканачы Кожобек кызы Самара “Зордук зомбулуктун түрлөрү” деген темада баяндама менен тааныштырды.

---

Маалымат менен бөлүшүңүз