“Эне – үйдүн куту, соолбос булагы” аттуу тегерек стол маеги.

Эне, үйдүн куту, соолбос булагы, тегерек стол, маек, сценарий, иш чара,

Конференция

“Эне – үйдүн куту, соолбос булагы” аттуу тегерек стол маеги.

Саламатсыздарбы урматтуу энелер жана меймандар! Сиздер менен бүгүн Нарын облустук С.Орозбаков атындагы маалыматтык китепканасы жана Нарын шаардык Аялдар Кеңеши тарабынан даярдалган “Эне – үйдүн куту, соолбос булагы” аттуу тегерек стол маегинде жолугушуп отурабыз. Сиздердин баардыгыңыздарды жаз майрамыңыздар, Энелер күнү менен куттуктап, үй-бүлөлүк бакыт, ден-соолук жана бакубат жашоо каалайм. Бүгүнкү иш чараны ачуу үчүн Нарын облустук С.Орозбаков атындагы маалыматтык китепканасынын директору Байгабатова Анар Казакбаевнага сөз кезегин берсем. Чоң ырахмат!

Бүгүнкү иш чарага Нарын шаарыбызда жана Эмгекчил айылында жашаган, мүмкүнчүлүгү чектелген балдарын баккан энелер, Нарын шаардык Кеңешинин вице спикери Муталипова Мирзат Муталиповна , Нарын шаардык аялдар Кеңешинин төрайымы Акматова Айгүл Мукановна, Нарын райондор аралык эмгек социалдык камсыздоо жана миграция башкармалыгынын башчысынын орун басары Абылова Гүлзат Сардарбековна, Нарын агрардык техникалык-экономикалык колледжинин окутуучусу Мамбеталиева Гүлнара Жолдошбековна , Нарын шаарындагы мүмкүнчүлүгү чектелген балдардын коомдук фондусунун жетекчиси Ниязалиева Мунара Амандыковна, Эмгекчил айылдык аялдар кеңешинин мүчөсү Султанбекова Гүлзат Аскаровна, Нарын шаардык Ж.Шералиев атындагы балдар искусство мектебинин мугалимдери Асанбаева Ширин Калмырзаевна, Абыраев Талант Зарлыкович жана “Нарынбек” дүкөнүнүн ээси Алымбекова Райкүл , китепкана кызматкерлери катышууда.

Элибизде “Эне мээрими ташты эритет, Эне каары тоону кулатат” деп бекеринен айтылбаса керек. Күндөн сурашат экен: “Сенин табыңдан өткөн тап барбы? “Бар дейт ал, - бул – эненин мээрими”. Өлүмдөн сурашыптыр : “Сага тең келе турган күч барбы?. , “Бар – дейт ал, - бул – эненин мээрими”. Ошондуктан “Эне мээрими ташты эритет, эне каары тоону кулатат”, деп айтылып калган экен. Сиздердин мээримиңиздер, камкордугуңуздар, түшүнүктүү, боорукер жүзүңүздөр менен, балдарыбыз өсүп, өнүгүп жатат. Анда азыр сөз кезегин сиздерди куттуктоо үчүн Нарын шаардык Кеңешинин вице спикери Муталипова Мирзатка сөз кезегин берсем. Чоң ырахмат! Мына ушул куттуктоодон кийин шаарыбыздагы Жумамүдүн Шералиев атындагы балдар искусство мектебинин мугалимдери Асанбаева Ширин Калмырзаевна, Абыраев Талант Зарлыкович сиздерге ыр белек сунат. Чоң ырахмат.!

Азыркы сөз кезегин Нарын шаардык аялдар кеңешинин төрайымы Акматова Айгүл Мукановнага берсем. Чоң ырахмат!

Урматтуу энелер, балдарыбызга кенен билим берүүгө, китеп окууга багытташыбыз керек. Түшүнүгүнө жараша кызыктуу китептерди окуп берүүгө умтулуңуздар. Алардын кызыгуусуна жараша мамиле жасап, келечегине багыт бериңиздер. Адам кыйналган сайын чыйралып, максатка умтулат эмеспи , балдарыңыздардын келечеги сиздердин колуңуздарда. Анда азыр сиздердин назарыңыздарда Нарын агрардык техникалык-экономикалык колледжинин окутуучусу Мамбеталиева Гулнара Жолдошбековнага сөз кезегин берсем. Чоң ырахмат! Анда кайрадан музыкалык тыныгууга берсек. Чоң ырахмат!

Бүгүн сиздер үчүн да пайдалуу маалыматтарды берүүгө умтулдук. Анда азыр сөз кезегин Нарын райондор аралык эмгек социалдык камсыздоо жана миграция башкармалыгынын башчысынын орун басары Абылова Гүлзат Сардарбековнага узатсам. Чоң ырахмат. Албетте сиздердин эмгек абдан оор жана баа жеткиз. “Ар бир кыйынчылыкты адам ыраазы болуп кабыл алышы керек” деп улуу адамдар бекеринен айткан эмес. Сиздердин алдыңыздардагы түйшүк чыдамкайлыкты, боорукердикти, сарамжалдуулукту, чечкиндүүлүктү, тазалыкты , ар кандай жагдайдан жол таба билүүнү талап кылат. Анда сиздердин назарыңыздарда интернеттен алынган “Мен тирүүмүн” аттуу видео роликке көңүл бурсак. Бул роликти көргөндөн кийин ар бир адам чыйралып, жашоого умтулат, жашоо үчүн күрөшөт.

Апа-бир сөз, бирок бүт өмүр.

Ал өзү ачка болсо да, сага жедирет.

Өзү ооруп турса да, сага жылмаят.

Көзүнөн жаш агып турса да ,

үн катпайт- сени тынчсыздандырбаш

үчүн Апа – дуба.

Апа –тирөөч. Апа – жүрөктөгү жарык. Сен жалгыз калганда да, бирөө дайыма сага жакшылык тилеп турат – ал сенин апаң. Эгер апаң тирүү болсо – кучакта. Телефону болсо чал, көңүлүн көтөр,жылуу сөзүңдү арна, анткени Апа - эртең жок болушу мүмкүн болгон бейиш.

Урматтуу энелер! Сиздерге күч кубат, чыдамкайлык , боорукердикти, эмгекчилдикти жана да бакубат жашоону каалайм! Сиздерге уюштуруу топ тарабынан даярдаган белектерин тапшырып койсок. Жакшы барыңыздар өмүрүңүздөргө, ден соолугуңуздарга береке берсин! Жергебизге тынччылык, ырыскыбызга кенендик, иштерибизге ийгилик, жашообузга бакыт берсин! Ар бир үй-бүлөдө ынтымак болсун! Аман болуңуздар! Кармаган орозоңуздар кабыл болсун! Тилеген тилектерибиз кабыл болсун!

Бүгүнкү иш чараны даярдоодо көмөктөшкөн өнөктөштөрүбүз болгон Аялдар Кеңешине, университеттин алдындагы агрардык-техникалык окуу жайынын мугалими Мамбеталиева Гулнурга, Нарын райондор аралык эмгек социалдык камсыздоо жана миграция башкармалыгынын башчысынын орун басары Абылова Гүлзат Сардарбековнага,кечени көркүнө чыгарып жагымдуу маанай тартуулаган Жумамүдүн Шералиев атындагы балдар искусство мектебинин мугалимдери Асанбаева Ширин Калмырзаевна, Абыраев Талант Зарлыковичке, Нарын шаарындагы мүмкүнчүлүгү чектелген балдардын коомдук фондусунун жетекчиси Ниязалиева Мунара Амандыковнага, , Эмгекчил айылдык аялдар кеңешинин мүчөсү Султанбекова Гүлзат Аскаровнага, “Нарынбек” дүкөнүнүн ээси Алымбекова Райкүл эжебизге жана китепкананын админстрациясына терең ыраазычылык билдирем. Сак саламатта болуңуздар.

Сценарийди жазган: Жунусалиева Ж.

Иш чараны жүктөгөн: - Болотбек уулу Аман

Теги: #эне,