• бүгүн
• 11:49
• Нарын облустук китепкана
• zuura89

Энекем өмүрүмдүн шам чырагы

Энелер күнү — жылуулуктун жана ыраазычылыктын күнү

Нарын облустук С.Орозбаков атындагы китепканасында Энелер күнүнө арналган таасирдүү жана жылуу иш-чара уюштурулду. Бул жолугушууга өзгөчө камкордукка муктаж балдар жана алардын энелери катышып, майрамдык маанайга бөлөнүштү.

Иш-чаранын жүрүшүндө балдар апалары үчүн өз колдору менен кооз открыткаларды даярдап, чын жүрөктөн чыккан каалоо-тилектерин айтышты. Ар бир жасалган белек — бала мээриминин жана ыраазычылыгынын символу болду.

Ошондой эле энелер үчүн пайдалуу маалыматтар берилип, мобилдик тиркемелер боюнча чакан түшүндүрүү иштери жүргүзүлдү. Китепкана кызматкерлери тарабынан ырлар окулуп, майрамдын көркүн ачкан жагымдуу атмосфера түзүлдү.

Мындай жолугушуулардын негизги максаты — энелерге көңүл буруп, аларга колдоо көрсөтүү жана коомдо боорукерлик менен камкордуктун маанисин даңазалоо.

Иш-чара соңунда катышуучулар уюштуруучуларга ыраазычылык билдирип, жакшы маанай жана жагымдуу эскерүүлөр менен тарашты.

Жаңылыкты жүктөгөн: - Омурова Зуура

---

Маалымат менен бөлүшүңүз